नागपूर: भाजप नेते चंद्रशेखर बावनकुळे यांचा मुलगा संकेत आणि त्याच्या मित्रांनी ज्या हॉटेलात जेवण व मद्यसेवन केले, त्या हॉटेलच्या कॅमेऱ्यातील सीसीटीव्ही चित्रीकरण गायब असल्याचे उघडकीस आले आहे. पोलिसांनी हा कॅमेरा ताब्यात घेतला असून तो फॉरेन्सिक तपासणीसाठी पाठविण्यात आला आहे, अशी माहिती पोलिसांनी दिली.
येथील ‘ला होरी’ बारमध्ये संकेत व त्याचे मित्र ऑडी कार दुर्घटनेच्या काही वेळ आधी आले होते. हॉटेलचा मालक सीसीटीव्ही फुटेज देण्यास टाळाटाळ करीत होता. मात्र कारवाई करण्याचा इशारा देताच त्याने हॉटेलचा कॅमेरा पोलिसांकडे सुपूर्द केला. मात्र, कॅमेऱ्यात रविवार रात्रीपासूनचे चित्रीकरण गायब करण्यात आल्याचे पोलिसांना आढळून आले.
