मुंबई : राष्ट्रवादी काँग्रेस पक्षाचे (शरद पवार गट) नेते एकनाथ खडसे यांनी महाराष्ट्राचे मुख्यमंत्री देवेंद्र फडणवीस यांची त्यांच्या निवासस्थानी भेट घेतली.
मंगळवारी रात्री दक्षिण मुंबईतील फडणवीस यांचा सध्याचा अधिकृत बंगला असलेल्या 'सागर' येथे ही भेट झाली, असे मुख्यमंत्र्यांच्या जवळच्या सूत्रांनी सांगितले.
खडसे काही वैयक्तिक कामासाठी मुख्यमंत्र्यांना भेटले. ही राजकीय बैठक नव्हती, असे स्पष्ट करण्यात आले असले तरी बैठकीत काय घडले ते जाहीर करण्यात आले नाही. खडसे यांनी २०१६ मध्ये फडणवीस यांच्या नेतृत्वाखालील महाराष्ट्र मंत्रिमंडळातून राजीनामा दिला होता.
