![पंकजा मुंडेंच्या वैद्यनाथ साखर कारखान्याचा लिलाव होणार युनियन बँक ऑफ इंडियाची नोटीस जारी](http://media.assettype.com/freepressjournal-marathi%2F2024-01%2F7fd0e2d8-b46d-4a25-afbf-4eef31e36c44%2FPankja_munde.jpg?w=480&auto=format%2Ccompress&fit=max)
बीड : भाजपच्या राष्ट्रीय सचिव पंकजा मुंडे यांच्या कुटुंबाच्या नियंत्रणाखाली असलेल्या वैद्यनाथ सहकारी साखर कारखान्याच्या ई-लिलावासाठी सरकारी मालकीच्या युनियन बँक ऑफ इंडियाने नोटीस जारी केली आहे. २०३.६९ कोटी रुपयांची थकबाकी वसूल करण्यासाठी हा लिलाव करण्यात येणार आहे.
बँकेने मंगळवारी स्थानिक वृत्तपत्रांमध्ये प्रसिद्ध केलेल्या सूचनेनुसार, वैद्यनाथ साखर कारखान्याचा ई-लिलाव २५ जानेवारी रोजी होणार आहे. लिलावाच्या सूचनेमध्ये मुंडे आणि इतर अनेकांच्या नावाचा उल्लेख ‘कर्जदार, जामीनदार आणि गहाणदार’ असा आहे. नोटिशीनुसार, बँकेच्या अहमदनगर प्रादेशिक कार्यालयाने २०३.६९कोटी रुपयांची ही थकबाकी वसूल करण्याची प्रक्रिया हाती घेतली आहे.
गेल्या वर्षी सप्टेंबरमध्ये राज्याच्या राजकारणातून बाजूला झालेल्या मुंडे यांनी त्यांच्या कुटुंबाच्या नियंत्रणाखाली असलेल्या मिलला जीएसटी विभागाकडून नोटीस मिळाल्याची पुष्टी केली आणि दावा केला होता की, साखर कारखान्या वगळता इतर अनेक कारखान्यांना आर्थिक फायदा झाला. पंकजा मुंडे यांनी सांगितले की, आपले वडील गोपीनाथ मुंडे यांनी अत्यंत कठीण परिस्थितीत साखर कारखान्याची सुरुवात केली होती. कोविड-१९ महामारीच्या काळात परिस्थिती कठीण झाली आणि आता कारखाना बँकेच्या ताब्यात आहे.