मुंबई : माजी खासदार व काँग्रेस नेते संजय निरुपम हे ३ मे रोजी शिवसेनेच्या शिंदे गटात प्रवेश करणार आहेत.
निरुपम यांनी मुख्यमंत्री एकनाथ शिंदे यांची बुधवारी भेट घेतली. या भेटीत मुख्यमंत्री शिंदे आणि संजय निरुपम यांच्यामध्ये चर्चा झाली. या चर्चेनंतर संजय निरुपम हे शिवसेना शिंदे गटात लवकरच प्रवेश करणार असल्याची माहिती देण्यात आली.
“मुख्यमंत्री एकनाथ शिंदे यांनी आज भेटीसाठी बोलावले होते. शुक्रवारी ३ मे रोजी दुपारी आपण शिवसेना शिंदे गटात प्रवेश करणार आहे. या प्रवेशाची अन्य माहिती पक्षाकडून देण्यात येईल. तसेच पक्षात प्रवेश केल्यानंतर पक्षाचे जेवढे लोकसभेचे उमेदवार आहेत, त्यांच्यासाठी आपण प्रचार करणार असून शिवसेनेचे सर्व उमेदवार निवडून आणण्यासाठी पूर्ण प्रयत्न करणार आहे”, अशी प्रतिक्रिया संजय निरुपम यांनी दिली.
