![भारत विश्वगुरू होऊ दे! गोदातीरी पंतप्रधानांकडून गंगापूजनावेळी संकल्प](http://media.assettype.com/freepressjournal-marathi%2F2024-01%2F954ca3f4-6bd5-4ebe-bdb0-cd6e9be5c18f%2FWhatsApp_Image_2024_01_13_at_2_03_33_PM__1_.jpeg?w=480&auto=format%2Ccompress&fit=max)
प्रतिनिधी/नाशिक : दक्षिणेची गंगा म्हणून ओळखल्या जाणाऱ्या गोदावरी नदीतीरी पंतप्रधान नरेंद्र मोदी यांनी शुक्रवारी रामतीर्थ येथे दर्शन घेत गंगापूजन केले. भारत विश्वगुरू होऊ दे, असा संकल्प त्यांनी यावेळी केला.
पंतप्रधान नरेंद्र मोदी यांनी ऐतिहासिक श्री काळाराम मंदिरात जावून भगवान श्रीरामाचे मनोभावे दर्शन घेतले. यावेळी मोदी यांच्या हस्ते काळाराम मंदिरात विधीवत पूजा व आरती करण्यात आली. याप्रसंगी प्रधानमंत्री नरेंद्र मोदी यांच्यासमोर अभंग आणि भावार्थ रामायणातील आठव्या अध्यायाचे (श्लोकांचे) ज्यामध्ये प्रभू श्रीराम यांचा नाशिकमधील वास्तव्याचा उल्लेख आहे, त्याचे वाचन करण्यात आले. मंदिर परिसरात असलेल्या स्वामी विवेकानंद यांच्या पुतळ्यास प्रधानमंत्री नरेंद्र मोदी यांनी पुष्पहार अर्पण करून अभिवादन केले.