पुणे : महाराष्ट्राच्या सामाजिक, राजकीय आणि वैचारिक क्षेत्रातील एक दीपस्तंभ, महाराष्ट्र गांधी स्मारक निधीचे अध्यक्ष आणि 'युवक क्रांती दला'चे (युक्रांद) संस्थापक डॉ. कुमार गणेश सप्तर्षी यांचे शनिवारी वयाच्या ८५ व्या वर्षी पुण्यात निधन झाले.
प्रभावी वक्ते आणि लेखक आणि अत्यंत कुशल संघटक म्हणून त्यांनी आपला ठसा उमटवला.
गेल्या काही काळापासून मधुमेहाने त्रस्त असलेल्या डॉ. सप्तर्षी यांना शनिवारी सकाळी अचानक अस्वस्थ वाटू लागल्याने एरंडवणे येथील जोशी रुग्णालयात दाखल करण्यात आले होते.
