आम्ही येथे भूमिका घेऊन आलो आहोत, कोण तुमच्या संपर्कात एकदा सांगाच...

हे आमदार मुंबईत आल्यानंतर पक्षात प्रवेश करणार असल्याचा दावा शिवसेनेने केला. संपर्कात असलेल्या आमदारांची नावे जाहीर करण्याचे आव्हान एकनाथ शिंदे यांनी दिले
आम्ही येथे भूमिका घेऊन आलो आहोत, कोण तुमच्या संपर्कात एकदा सांगाच...
ANI

शिवसेनेच्या बंडखोर आमदारांचे नेतृत्व करणाऱ्या एकनाथ शिंदे यांनी शिवसेनेच्या नेतृत्वाला आव्हान दिले आहे. आमचे कोणते आमदार तुमच्या संपर्कात आहेत ते सांगा, असे थेट आव्हान एकनाथ शिंदे यांनी दिले. शिवसेनेचे प्रवक्ते दीपक केसरकर तुम्हाला आमचा निर्णय तुम्हाला कळवतील असेही ते म्हणाले. हॉटेल रेडिसनच्या प्रवेशद्वाराजवळ एकनाथ शिंदे यांनी पत्रकारांशी संवाद साधला. शिवसेनेचे बंडखोर आमदार गेल्या आठवड्यापासून गुवाहाटी येथील हॉटेल रॅडिसनमध्ये मुक्कामी आहेत.

महाराष्ट्रातील सत्तासंघर्षाच्या केंद्रस्थानी असलेले एकनाथ शिंदे यांनी गुवाहाटी येथे माध्यमांशी संवाद साधला. एकनाथ शिंदे म्हणाले की, येथे आलेले 50 आमदार स्वेच्छेने आले आहेत. आम्ही आजही शिवसेनेचे शिवसैनिक बाळासाहेब ठाकरे यांच्या भूमिकेचा पुनरुच्चार केला. आम्ही येथे भूमिका घेऊन आलो आहोत. इकडे शिवसेना पक्षातील उरलेले नेते गेल्या काही दिवसांपासून शिंदे यांच्या गटातील 20-21 आमदार गुवाहाटीत संपर्कात असल्याचा दावा करत आहेत. हे आमदार मुंबईत आल्यानंतर पक्षात प्रवेश करणार असल्याचा दावा शिवसेनेने केला. संपर्कात असलेल्या आमदारांची नावे जाहीर करण्याचे आव्हान एकनाथ शिंदे यांनी दिले. एकही आमदार बाहेरच्या लोकांच्या संपर्कात नसल्याचा विश्वास त्यांनी व्यक्त केला.

Related Stories

No stories found.
marathi.freepressjournal.in