‘मुख्यमंत्री माझी लाडकी बहीण योजने’चे जानेवारी महिन्याचे पैसे शुक्रवारपासून वितरित होण्यास सुरुवात झाली आहे. सायंकाळपासून लाखो लाभार्थ्यांच्या खात्यात 1500 रुपये जमा होण्यास सुरुवात झाली आहे.
महायुती सरकारने महिलांच्या खात्यात दरमहा 1500 रुपये थेट जमा करणारी लाडकी बहीण योजना जाहीर केली होती. या योजनेतून अडीच कोटी महिलांना लाभ मिळाला. पुन्हा महायुती सरकार निवडून आल्यापासून ही योजना पुन्हा कधी सुरू होणार, अशी विचारणा होत होती.
तसेच महायुतीने जाहीरनाम्यात 2100 रुपये प्रति महिना देण्याचे आश्वासन दिले होते; ते कधी देणार असाही प्रश्न विचारला जात होता. अखेर, 1500 रुपयांचा हप्ता वितरित होण्यास सुरुवात झाली आहे. 26 जानेवारीपर्यंत राज्यातील सर्व लाभार्थ्यांच्या खात्यात पैसे जमा होतील, अशी माहिती महिला व बालविकास मंत्री आदिती तटकरे यांनी दिली आहे.
