नागपूर : शिवसेना आमदार अपात्रता प्रकरणाची सुनावणी अखेर तीन महिन्यानंतर बुधवारी पूर्ण झाली. दोन्ही बाजूंचा युक्तिवाद, याचिका एकत्रित करणे, त्यानंतर शिवसेना शिंदे गट आणि ठाकरे गट या दोन्ही गटांच्या आमदारांची उलट तपासणी घेऊन साक्ष नोंदवणे आणि अंतिम सुनावणीतील दोन्ही बाजूंचा युक्तिवाद ऐकून घेत विधानसभा अध्यक्षांसमोर सुरू असलेली ही सुनावणी पूर्ण झाली आहे. आता या प्रकरणी विधानसभा अध्यक्ष राहुल नार्वेकर काय निर्णय देतात, याकडे सर्वांचे लक्ष लागले आहे. आता १० जानेवारीपर्यंत निकाल देण्याचे आव्हान विधानसभा अध्यक्षांसमोर असणार आहे.
