![टेम्पोची ट्रकला पाठून धडक; १० भाविक ठार](http://media.assettype.com/freepressjournal-marathi%2F2022-07%2Fc10d90a7-8398-4b88-b294-ae7591693dc3%2Ffreepressjournal_2020_09_6d3c1708_5037_401a_a251_b771749e878a_download__10_.webp?w=480&auto=format%2Ccompress&fit=max)
अहमदाबाद : चोटीला मातेच्या मंदिरातून दर्शन घेऊन परतत असलेल्या भाविकांच्या टेम्पोने रस्त्याकडेला उभ्या असलेल्या ट्रकला धडक दिल्याने झालेल्या अपघातात १० भाविकांचा मृत्यू झाला असून, १० जण जखमी झाले आहेत. मृतांमध्ये पाच महिला व ३ मुलांचा समावेश आहे. बावला-बगोदरा महामार्गावर शुक्रवारी सकाळी हा अपघात झाला.
टायर पंक्चर झाल्याने ट्रक महामार्गावर उभा होता. या ट्रकला प्रवाशांनी भरलेल्या टेम्पोने धडक दिली. या टेम्पोत ३ मुलांसह २० जण होते. चोटीला मातेच्या मंदिरातून दर्शन घेऊन हे भाविक परतत होते. या अपघातातील मृतांच्या कुटुंबीयांप्रती मुख्यमंत्री भूपेंद्र पटेल यांनी शोक व्यक्त केला आहे.