राज्यसभेच्या रिक्त होणाऱ्या 56 जागांसाठी निवडणुकीची घोषणा करण्यात आली आहे. या रिक्त होणाऱ्या 56 जागांपैकी 6 जागा महाराष्ट्रातील आहेत. देशातील 15 राज्यांतील या 56 जागा असून 27 फेब्रुवारी रोजी यासाठीची मतदार प्रक्रिया पार पडणार आहे. आज (सोमवारी) निवडणूक आयोगाने यासंदर्भातील घोषणा केली आहे.
2 एप्रिल रोजी 13 राज्यांतील 50 सदस्यांचा कार्यकाळ संपणार आहे. तर दोन राज्यातील 6 सदस्यांचा कार्यकाळ 3 एप्रिल रोजी संपणार आहे. तसेच, यावर्षी राज्यसभेच्या 68 सदस्यांचा कार्यकाळ संपणार आहे, त्यात 9 केंद्रीय मंत्र्यांचा देखील समावेश आहे. त्यामुळे नेत्यांमध्ये त्यासाठी आतापासूनच चढाओढ सुरु झाली आहे.
रिक्त होणाऱ्या राज्यसभेच्या जागांमध्ये 'या' 15 राज्यांचा समावेश-
महाराष्ट्र
उत्तर प्रदेश
बिहार
पश्चिम बंगाल
मध्य प्रदेश
गुजरात
आंध्र प्रदेश
तेलंगणा
राजस्थान
कर्नाटक
उत्तराखंड
छत्तीसगड
ओडिशा
हरयाणा
हिमाचल प्रदेश
महाराष्ट्रातील 'या' सहा खासदारांचा कार्यकाळ संपणार
कुमार केतकर (काँग्रेस)
वंदना चव्हाण (राष्ट्रवादी काँग्रेस शरद पवार गट)
प्रकाश जावडेकर (भाजप)
मुरलीधरन (भाजप)
नारायण राणे(भाजप)
अनिल देसाई (शिवसेना उद्धव ठाकरे गट)
दरम्यान, कार्यकाळ संपणाऱ्या महाराष्ट्राच्या सहा खासदारांमध्ये प्रकाश जावडेकर आणि नारायण राणे या दोन केंद्रीय मंत्र्यांचाही समावेश आहे.
