![पेट्रोकेमिकल माल खरेदी करून ६७ लाखांचा अपहार](http://media.assettype.com/freepressjournal-marathi%2F2022-06%2F34ace01f-4a2f-4883-857d-52bdcde61e0e%2Ffraud_word_magnifying_glass.webp?w=480&auto=format%2Ccompress&fit=max)
मुंबई : पेट्रोकेमिकल माल खरेदी करून सुमारे ६७ लाखांचे पेमेंट न करता एका खासगी कंपनीची फसवणूक झाल्याचा प्रकार बोरिवली परिसरात उघडकीस आला आहे. याप्रकरणी उत्तर प्रदेशच्या दोन व्यावसायिकांविरुद्ध कस्तुरबा मार्ग पोलिसांनी अपहारासह फसवणुकीचा गुन्हा नोंदविला आहे. रेखा डोग्रा आणि अमित डोग्रा अशी या दोघांची नावे आहेत. सप्टेंबर २०२३ महिन्यात रेखा आणि अमित डोग्रा यांनी जिग्नेश शहा यांच्या कंपनीकडून टॉल्विन आणि सायक्लो हेक्सानन या प्रोडेक्टची माहिती विचारली होती. ही माहिती दिल्यानंतर त्यांनी त्यांच्या कंपनीकडे जवळपास पाऊण कोटींच्या मालाची ऑर्डर दिली होती. डिलीव्हरीनंतर कंपनीने त्यांना नऊ लाखांचे पेमेंट केले. मात्र उर्वरित ६७ लाख ४० हजाराचा अपहार करुन कंपनीची फसवणुक केली होती.