Cyclone Biparjoy Update ; मुंबईतील सर्व चौपाट्या आणि सी-फेस बंद, काय आहे संपूर्ण अपडेट ?
बिपरजॉय चक्रीवादळ अपडेटचा परिणाम मुंबईतही जाणवत आहे. मुंबईचा समुद्र खवळलेला आहे. मुंबईतील सर्व चौपाट्या आणि सी-फेस बंद करण्यात आले आहेत. चौपाटींवर येणाऱ्या लोकांना बाहेर जाण्याचे आवाहन पोलिसांकडून करण्यात येत आहे. शिवाय खबरदारीचा उपाय म्हणून जीवरक्षक तैनात आहेत.
बिपरजॉय चक्रीवादळ आज उशिरा गुजरातला धडकणार आहे. चक्रीवादळ सध्या किनारपट्टीपासून 180 किमी अंतरावर आहे. ते ताशी 5 ते 6 किलोमीटर वेगाने गुजरातच्या दिशेने सरकत आहे. बिपरजॉय आता जिथे समुद्रात आहे तिथे वाऱ्याचा वेग ताशी १२० किमी आहे. मुंबईत नागरिक मोठ्या प्रमाणात समुद्रकिनारी आणि चौपाटीवर जातात. ते पोहण्यासाठी किंवा इतर कोणत्याही कारणासाठी समुद्रात जाऊ नयेत, यासाठी मुंबई महापालिकेने खबरदारी घेतली आहे. मात्र, काही नागरिक समुद्रात गेल्याने अधूनमधून बुडण्याच्या घटना घडतात. गिरगाव, दादर, जुहू, वर्सोवा, आक्सा आणि गोराई या चौपाटीवर सकाळी 8 ते 4 या वेळेत 60 प्रशिक्षित सुरक्षा रक्षक तैनात असतील आणि 60 प्रशिक्षित सुरक्षा रक्षक दुपारी 3 ते 11 या वेळेत कर्तव्यावर असतील.
