मुंबई : मुंबई महापालिका निवडणुकीत पेड न्यूजच्या तक्रारी, एखाद्या प्रकरणाची चौकशी यासाठी बृहन्मुंबई महानगरपालिकेचे आयुक्त यांच्या अध्यक्षतेखाली ५ जणांची समिती स्थापन करण्यात आली आहे.
मुंबई महानगरपालिकेसह राज्यातील २९ महानगरपालिकेच्या निवडणुकीची अधिकृत घोषणा राज्य निवडणूक आयोगाने १५ डिसेंबर रोजी केली. राज्य निवडणूक आयोगाने निवडणुकीचा कार्यक्रम जाहीर करताच २९ महानगरपालिका क्षेत्रात आचारसंहिता लागू झाली आहे.
स्थानिक स्वराज्य संस्थांच्या निवडणुका योग्यरीत्या पार पडणे, राजकीय पक्ष, उमेदवारांना समान संधी मिळणे तसेच निवडणूकविषयी इलेक्ट्रॉनिक मीडियात जाहिरातींचे पूर्वप्रमाणन, विविध प्रसारमाध्यमातील वृत्तांकनात आचारसंहितेचे पालन केले की नाही, समाजमाध्यम संदर्भात देखरेख ठेवण्यासाठी बृहन्मुंबई महानगरपालिकेचे प्रशासक तथा आयुक्त भूषण गगराणी यांच्या अध्यक्षतेखाली ५ जणांची समिती स्थापन करण्यात आली आहे. निवडणुकीसंदर्भात काही पत्रव्यवहार असल्यास मुंबई महानगरपालिका मुख्यालय, विस्तारित इमारत, तळ मजला, जनसंपर्क विभाग याठिकाणी करण्यात यावा, असे आवाहन पालिका प्रशासनाने केले आहे. आयुक्तांनी पक्षप्रतिनिधींशी बैठक घेतली. मुंबईत २३ निवडणूक कार्यालये सुरू केली आहेत.
