मुंबई : मुंबईकर नागरिकांना चांगल्या आरोग्यह सुविधा देण्यासाठी बृहन्मुंाबई महानगरपालिकेने अभिनव कार्यप्रणाली सुरू केली आहे. त्या ची सुरूवात येत्या २ मे पासून होणार आहे. तसेच आधुनिक पद्धतीने आरोग्य सेवा पुरविण्यासाठी हॉस्पिटल मॅनेजमेंट इन्फॉर्मेशन सिस्टीम (एचएमआयएस - २) ही डिजिटल प्रणाली कार्यान्वित करण्यात येणार आहे. सार्वजनिक आरोग्यसेवांमध्ये आधुनिकता, कार्यक्षमतेची वृद्धी आणि सेवा वितरणामध्ये गती साधण्यासाठी ही कार्यप्रणाली उपयुक्तक ठरणार असल्याची माहिती पालिका प्रशासनाने दिली.
सर्व दवाखान्यांमध्ये एचएमआयएस - २ प्रणालीची प्रभावीपणे अंमलबजावणी केली जाणार आहे. यासाठी आवश्यक संगणक, इंटरनेट सुविधा व संबधित यंत्रासमुग्री देण्यात आली आहे तसेच सर्व संबंधित अधिकारी व कर्मचाऱ्यांना सविस्तर प्रशिक्षण देण्यात आले आहे.
याअगोदर रुग्णांच्या नोंदी ह्या कागदावर (पेपर) केल्या जात होत्या. मागील सहा महीने एचएमआयएस - २ प्रणाली प्रायोगिक स्वरूपात राबविण्यात आली आहे. दिनांक २ मे २०२५ पासून ही प्रणाली १७७ दवाखान्यात कार्यान्वित केली जात आहे. तसेच, २१७ हिंदुहृदयसम्राट बाळासाहेब ठाकरे आपला दवाखाना यांमध्येहदेखील ३० मे २०२५ पर्यंत ही प्रणाली कार्यान्वित केली जाणार आहे.
असा होणार प्रणालीचा उपयोग
एचएमआयएस - २ प्रणाली ही आयुष्मान भारत डिजीटल मिशन (एबीडीएम) ला अनुरूप आहे. यामध्ये रुग्णाला एक विशिष्टत ओळखपत्र क्रमांक (आयडी) दिला जाईल. या ओळखपत्राच्या् आधारे रुग्णांना दवाखान्यातून रुग्णालयात तसेच रुग्णालयातून दवाखान्यात संदर्भित केले जाऊ शकते. त्यांच्या उपचार पद्धतीचा आढावा (ट्रॅक) घेतला जाऊ शकतो. यामुळे रुग्णांना त्यांच्या मोबाईलवर त्यांच्या उपचारांच्या सर्व नोंदी एकाच ठिकाणी मिळू शकतील. एचएमआयएस - २ प्रणालीच्या माध्यमातून रुग्णांची नोंदणी वैद्यकीय अधिकाऱ्यांकडून तपासणी आणि औषध वितरण इत्यादी नोंदी डिजीटल स्वरूपात उपलब्ध होणार आहेत. तसेच औषध साठा व्यवस्थापन, रुग्णसेवा अहवाल, सांख्यिकीय विश्लेषण आणि धोरणात्मक निर्णयप्रक्रियेसाठीही ही प्रणाली उपयुक्त ठरणार आहे. पुढील टप्प्यात एचएमआयएस - २ ही प्रणाली प्रसुतीगृहे, उपनगरीय रुग्णालये, वैद्यकीय महाविद्यालये यांच्यात देखील राबविण्यात येणार आहे.
