मुंबईतील मीरा रोड येथील एका बड्या सोसायटीत ईदच्या कुर्बानीसाठी बकरी आणल्याने वाद झाल्याचे समोर आले आहे. बकरी ईदसाठी दोन बकरे आणले होते. ही बाब सदर सोसायटीमधील लोकांना समजताच लोकांनी गोंधळ घातला. यासोबतच सोसायटीच्या आवारात लोकांनी हनुमान चालिसाचे पठण केले. काशिमीरा पोलीस ठाण्याच्या हद्दीतील जेपी इन्फ्रा या उच्चभ्रू सोसायटीत ही घटना घडली. अखेर पोलिसांच्या मदतीने वाद मिटला.
मिळालेल्या माहितीनुसार, सोसायटीत राहणारे मोहसीन शेख हे बकरी ईदनिमित्त दोन बकरे सोसायटीत आणले होते. ही बाब सोसायटीत समजल्यानंतर काही लोकांनी सोसायटीत एकत्र येऊन निषेध केला. पोलिसांनी घटनास्थळी पोहोचून वाद मिटवण्याचा प्रयत्न केला. तेथे मोठा पोलिस बंदोबस्त तैनात करण्यात आला होता.