...म्हणून धारावीकरांची बेस्टच्या विद्युत केंद्रावर झुंबड; नाव, पत्ता बदलणे, थकित रक्कम भरण्यासाठी गर्दी!

घर नावावर करणे, पत्ता बदलणे, वीज कनेक्शन नावावर करणे यासाठी धारावीकरांची बेस्टच्या वडाळा वीज बिल भरणा केंद्रावर झुंबड उडाली आहे.
...म्हणून धारावीकरांची बेस्टच्या विद्युत केंद्रावर झुंबड; नाव, पत्ता बदलणे, थकित रक्कम भरण्यासाठी गर्दी!

मुंबई : पुढील काही वर्षांत धारावीचा चेहरामोहरा बदलणार आहे. अदानीच्या माध्यमातून धारावीचा विकास होणार असून धारावीकरांना १० बाय १० च्या घरातून थेट ३०० चौरस फुटाच्या घरात प्रवेश मिळणार आहे. त्यामुळे घर नावावर करणे, पत्ता बदलणे, वीज कनेक्शन नावावर करणे यासाठी धारावीकरांची बेस्टच्या वडाळा वीज बिल भरणा केंद्रावर झुंबड उडाली आहे.

आशिया खंडातील सर्वात मोठी झोपडपट्टी असलेल्या धारावीचा कायापालट होणार आहे. सात लाख वस्ती असलेल्या धारावीत कामगार वर्गही मोठ्या प्रमाणावर आहे. धारावीत लेदर वर्कचा (चामड्यापासून वस्तू बनवणे) मोठा बिझनेस असून लहान-मोठे अनेक व्यवसाय धारावीत सुरू आहेत. त्यामुळे वीज कनेक्शन ही प्रत्येकाची गरज आहे. बेस्ट उपक्रमाच्या विद्युत विभागाच्या आकडेवारीनुसार धारावीत १ लाख ७७ हजार ८०६ अधिकृत वीज ग्राहक आहेत. परंतु येथील लोकसंख्या ७ लाखांच्या घरात असल्याने उर्वरित धारावीकरांनी वीज कनेक्शन घेतले कुठून, असा सवाल उपस्थित केला जात आहे. बेस्ट उपक्रमाच्या विद्युत विभागाचे १० लाख ५१ हजार ६३७ वीज ग्राहक आहेत.

विभागनिहाय वीज ग्राहक

  1. ए वॉर्ड - ७४,७७८

  2. बी वॉर्ड - ७९,९१२

  3. सी वॉर्ड - ७९,८२७

  4. डी वॉर्ड - १,४३,६७६

  5. ई वॉर्ड - ९९,२१९

  6. जी साऊथ - १,२४,६२७

  7. जी उत्तर - १,७७,८०६

  8. एफ साऊथ - १,११,४८८

  9. एफ नार्थ - १,६०,२८५

Related Stories

No stories found.
logo
marathi.freepressjournal.in