रोमार्टिका आर्ट डिकोडेड ह्या कलाप्रवर्तक संस्थेतर्फे मुंबईतील जहांगीर आर्ट गॅलरी येथे ९ ते १५ ऑगस्ट रोजी सामूहिक चित्रप्रदर्शन आयोजित करण्यात आले आहे. सकाळी ११ ते संध्याकाळी ७ वाजेपर्यंत रसिकांना हे प्रदर्शन विनामूल्य बघता येणार असून प्रदर्शनात २८ गुणवान व होतकरू कलाकारांची चित्रे व शिल्पकृती ठेवण्यात येणार आहेत. विविध माध्यम आणि तंत्रशैली वापरून साकारलेली संकल्पनात्मक चित्रे या प्रदर्शनात पाहता येणार आहेत.
होतकरू व गुणवान चित्रकारांना व शिल्पकारांना संधी देऊन व योग्य तऱ्हेने प्रोत्साहन देऊन त्यांची कलारूपे रसिकांसमोर आंत एक व्यासपीठ उपलब्ध करून देण्याचा रोमार्टिका आर्ट डिकोडेड ह्या कालसंस्थेचा उद्देश आहे. याच पार्श्वभूमीवर मुंबईत होतकरू कलाकारांच्या सामूहिक चित्रांचे प्रदर्शन ९ ऑगस्टपासून आयोजित करण्यात आले आहे.