मुंबई : बारमालकांना खंडणीसाठी धमकी देणाऱ्या जयेश नंदू सावंत नावाच्या एका तोतया पत्रकाराला विलेपार्ले पोलिसांनी अटक केली. जयेश हा एका नामांकित न्यूज चॅनेलचा प्रतिनिधी असल्याची बतावणी करून बार मालकांना धमकी देऊन त्यांच्याकडे खंडणीची मागणी करत असल्याचे तपासात उघडकीस आले आहे. गणेश लिंगप्पा अल्लवा यांचे विलेपार्ले येथे कॅम्पस आणि माटुंगा येथे तंदूर नावाचे बार अँड रेस्ट्रॉरंट आहेत. जयेशने त्यांच्या मॅनेजरला फोन करून तुमचा बार रात्रीपर्यंत सुरू असल्याचे व्हिडियो चित्रीकरण माझ्याकडे असल्याचे सांगून खंडणीसाठी धमकी दिली होती. सुरुवातीला त्याला ५५ हजार रुपये दिल्यानंतर जयेशने पुन्हा पैशांची मागणी केली. अखेर त्यांनी विलेपार्ले पोलिसांना घडलेला प्रकार सांगून जयेश सावंतविरुद्ध तक्रार केली होती.
