मुंबई : खंडणीच्या प्रकरणात तुरुंगातून साक्षीदाराला धमकावल्याच्या आरोपावरून मुंबई पोलिसांनी फरारी गँगस्टर छोटा शकीलचा साथीदार रियाझ भाटी याच्याविरुद्ध एफआयआर नोंदविल्याचे एका अधिकाऱ्याने सांगितले.
भाटी हा खंडणीच्या प्रकरणात मुंबईतील तुरुंगात आहे. या प्रकरणात ज्यात शकीलचा मेहुणा सलीम आणि इतर पाच जण आरोपी आहेत. मुंबई पोलिसांनी या प्रकरणात महाराष्ट्र संघटित गुन्हेगारी नियंत्रण कायद्याच्या (मकोका) तरतुदी लागू केल्या होत्या आणि सर्व आरोपी सध्या न्यायालयीन कोठडीत आहेत.
गेल्या आठवड्यात खार पोलिसांनी भाटी यांच्या विरोधात नोंदवलेल्या एफआयआरनुसार, एका ४३ वर्षीय व्यावसायिकाने आरोप केला आहे की राजेश बजाज नावाच्या एका व्यक्तीने, ज्याला तो गेली १० वर्षे ओळखत होता, त्याने भाटी याच्या बाजूने न्यायालयात म्हणणे मांडावे, अशी धमकी दिली. भाटी याच्याविरुद्ध वर्सोवा पोलीस ठाण्यात गुन्हा दाखल करण्यात आला आहे.
बजाजने त्या व्यावसायिकाला वर्सोवा पोलीस स्टेशनजवळ नेले होते जेथे भाटी त्याला भेटले होते आणि त्याला त्याच्या बाजूने निवेदन देण्याची धमकी दिली होती, असेही अधिकाऱ्याने सांगितले.
२०२१ मध्ये, या व्यावसायिकाच्या मित्राने भाटीविरुद्ध वर्सोवा पोलीस ठाण्यात गुन्हा दाखल केला. भाटीने आपली मैत्रीण असल्याचे सांगून आपल्या पत्नीची व्यावसायिकाच्या सहकाऱ्याशी ओळख करून दिली होती. भाटीने आपल्या पत्नीला धमकावले आणि तिला पैशाचे आमिष दाखवून व्यावसायिक आणि त्याच्या मित्रासोबत शारीरिक संबंध ठेवण्यास भाग पाडले, असेही एफआयआरमध्ये नमूद केले आहे.
