HSC Exam : पेपरफुटीप्रकरणी ५ जणांचा अटक; पोलिसांची मोठी कारवाई

बारावीचा (HSC Exam) गणिताचा पेपर फुटल्याप्रकरणी पोलिसांकडून मोठी कारवाई करण्यात आली असून ५ जणांना अटक करण्यात आली
HSC Exam : पेपरफुटीप्रकरणी ५ जणांचा अटक; पोलिसांची मोठी कारवाई

बारावीचा (HSC Exam) गणिताचा पेपर सोशल मीडियावर परीक्षेच्या अर्धातास आधी व्हायरल झाल्याची घटना काही दिवसांपूर्वी घडली होती. याप्रकरणी पोलिसांनी मोठी कारवाई केली असून तब्बल ५ जणांना पोलिसांनी अटक केली आहे. साखरखेर्डा पोलिसांनी अटक केलेल्या या ५ जणांमध्ये २ शिक्षकांचा समावेश आहे. याप्रकरणी अर्थसंकल्प अधिवेशनामध्येही विरोधकांनी शिंदे-फडणवीस सरकारला घेरण्याचा प्रयत्न केला होता.

मिळालेल्या माहितीनुसार, साखरखेर्डा पोलिसांनी ५ जणांना अटक केली आहे. यामध्ये २ शिक्षकांसह ३ तरुणांना ताब्यात घेण्यात आले आहे. त्यांच्यावर कलम ४२० आणि १२० ब अंतर्गत गुन्हा दाखल केला आहे. मात्र, यामध्ये मुख्य सूत्रधार कोण आहे? याचा तपास सध्या पोलीस करत आहेत. या पेपरफुटी प्रकरणाचा मुद्दा अर्थसंकल्पीय अधिवेशनातसुद्धा गाजला होता. यावेळी विरोधकांकडून कडक कारवाई कर्णयःची मागणी करण्यात आली होती. गणिताचा हा पेपर सोशल मीडियावर व्हायरल होताच गटशिक्षणाधिकारी रंगनाथ गावडे यांनी पेपरफुटी प्रकरणी सिंदखेडराजा पोलिसांकडे तक्रार दाखल केली होती. यानंतर बुलढाण्यातील ४ परीक्षा केंद्रांचे संचालकांची तडकाफडकी बदली करण्यात आली.

Related Stories

No stories found.
logo
marathi.freepressjournal.in