मुंबई : वांद्रे पूर्व टीचर कॉलनीच्या मागे, सिद्धार्थ नगर येथे पार्किंगमध्ये मंगळवारी सायंकाळी ६.३० वाजताच्या सुमारास आग लागली. या दुर्घटनेत भंगारातील १०० ते १५० वाहने जळून खाक झाली. दरम्यान, अग्निशमन दलाने घटनास्थळी धाव घेत रात्री उशिरा आगीवर नियंत्रण मिळवले. या दुर्घटनेत कोणीही जखमी झाले नसल्याची माहिती पालिकेच्या आपत्कालीन व्यवस्थापन नियंत्रण कक्षाकडून देण्यात आली.
वांद्रे पूर्व टीचर कॉलनीच्या मागे सिद्धार्थ नगर, सर्व्हिस रोड, स्मशानभूमीजवळ एक हजार चौरस फूट जागेत असलेल्या पार्किंग क्षेत्रात मंगळवारी सायंकाळी ६.३० वाजता भीषण आग लागली.
