चारुल शाह-जोशी
मुंबई : बॉलिवूड सेलिब्रिटींवरील कोणत्याही हल्ल्यामध्ये लॉरेन्स बिश्नोईचा काहीही सहभाग नाही, असा दावा त्याचे वकील कुलदीप शर्मा यांनी केला आहे तसेच अभिनेता टायगर श्रॉफवरील हल्ल्याची जबाबदारी स्वीकारणाऱ्या अनिल पंडित या व्यक्तीला लॉरेन्सने कधीही पाहिले नाही किंवा भेटलेला नाही, असेही त्यांनी स्पष्ट केले.
अहमदाबादमध्ये एनआयएने (एनआयए) दाखल केलेल्या फौजदारी खटल्यात लॉरेन्सचे प्रतिनिधीत्व करणारे वकील शर्मा यांनी 'फ्री प्रेस जर्नल'शी बोलताना सांगितले की, लॉरेन्स आता एक 'ब्रँड' बनला आहे. आता त्याच्या गँगशी संबंधित व्यक्तीने कुठेही काहीही केले, तरी त्याला 'लॉरेन्स बिश्नोईने केलेले कृत्य' असे म्हटले जाते. लॉरेन्सने कधीही कोणतेही आदेश किंवा सूचना दिल्या होत्या आणि लोकांनी त्यानुसार कृती केली, असे कधीही घडलेले नाही. हे गँगचे काही अनियंत्रित सदस्य असू शकतात जे स्वतःहून हल्ले करण्याचा निर्णय घेत आहेत. ते काहीही करू शकतात, परंतु लॉरेन्सने याचे आदेश दिले आहेत, असे म्हणता येणार नाही," असे सांगत शर्मा यांनी सलमान खानपासून ते रोहित शेट्टी किंवा टायगर श्रॉफपर्यंतच्या कोणत्याही बॉलिवूड सेलिब्रिटींवरील हल्ल्यात लॉरेन्सचा कोणताही हात नसल्यावर जोर दिला.
