मुंबई : सुमारे २५ लाख रुपयांच्या चोरीप्रकरणी अर्चना सुनील काशीकर या पळून गेलेल्या मोलकरणीला ओशिवरा पोलिसांनी अटक केली. चोरीच्या याच गुन्ह्यांत तिला लोकल कोर्टाने पोलीस कोठडी सुनावली आहे. या गुन्ह्यांत इतर दोन नोकरांचा सहभाग उघडकीस आला असून त्यांच्या अटकेसाठी पोलिसांनी विशेष मोहीम हाती घेतली आहे. ४८ वर्षांच्या तक्रारदार महिलेची मीडिया कंपनी असून त्यांच्याकडे धोंडाबाई काशिकर या गेल्या ३० वर्षांपासून कामाला होत्या. सहा वर्षांपासून तिची सून अर्चना ही तिच्याकडे कामाला होती. ऑक्टोबरला महिन्यांत घराच्या कपाटातून २५ लाख ३५ हजार रुपयांचे विविध सोन्याचे दागिने आणि सहा लाखांची कॅश चोरी झाल्याचे दिसून आले. ही चोरी अर्चना केल्याचा तिला संशय होता. त्यामुळे तिने अर्चनाविरुद्ध ओशिवरा पोलीस ठाण्यात तक्रार केली होती. अर्चनाच्या चौकशीत तिने तिच्या इतर सहकारी नोकरासोबत ही चोरी केल्याचे उघडकीस आले. त्यानंतर तिला पोलिसांनी अटक केली. या गुन्ह्यांत इतर दोन नोकरांचा सहभाग उघडकीस आला असून त्यांच्या अटकेसाठी पोलिसांनी विशेष मोहीम हताी घेतली आहे.
