शिवसेना शिंदे गटाचे आमदार आणि राज्याचे उद्योगमंत्री उदय सामंत यांच्या बोटीला अपघात झाल्याची माहिती मिळत आहे. यावेळी माजी खासदार छत्रपती संभाजीराचेही त्यांच्यासोबत असून त्यांच्यासह सोबत असलेले प्रवासी सुखरूप असल्याचेही सांगण्यात आले आहे. आज सकाळी अलिबागला जाताना मांडावा जेट्टीजवळ हा अपघात घडला.
मिळालेल्या माहितीनुसार, मंत्री उदय सामंत आणि संभाजीराजे छत्रपती हे इतर सहकाऱ्यांसह मुंबईवरून अलिबागला बोटीने प्रवास करत होते. यावेळी मांडावा जेट्टीजवळ ही बोट पार्क करत असताना खांबांना धडकली. चालकाचे नियंत्रण सुटल्याने हा अपघात घडला. मात्र, बोटीची स्पीड कमी असल्यामुळे मोठा अपघात टळला आहे. मंत्री उदय सामंत यांच्यासोबत दुसऱ्यांदा अशी घटना घडली आहे. यापूर्वीही त्यांची बोट भर समुद्रात बंद पडली होती.
