मुंबई : आरामदायी व गारेगार प्रवास करता यावा, यासाठी मध्य रेल्वेने प्रवाशांच्या सोयीसाठी वातानुकूलित लोकल सेवा सुरू केली. गेल्या वर्षीच्या तीन महिन्यांच्या आकडेवारीनुसार प्रवाशांनी एसी लोकलला पसंती दिली आहे. जानेवारी, फेब्रुवारी व मार्च २०२३ या तीन महिन्यात ४२ लाख १८ हजार ३८९ प्रवाशांनी एसी लोकलने प्रवास केला. तर जानेवारी, फेब्रुवारी व मार्च २०२४ या तीन महिन्यात ५२ लाख ०७ हजार ४७६ प्रवाशांनी एसी लोकलने प्रवास केला आहे. त्यामुळे गेल्या वर्षीच्या तुलनेत यंदा प्रवासी संख्येसह महसुलात वाढ झाली आहे.
मध्य, हार्बर व पश्चिम रेल्वे मार्गावर दररोज ८० लाखांहून अधिक प्रवासी प्रवास करतात. यापैकी ५० लाखांहून अधिक प्रवासी मध्य व हार्बर मार्गावर प्रवास करतात. प्रवाशांना अधिकाधिक सुविधा उपलब्ध करून देणाऱ्या मध्य रेल्वेने प्रवाशांच्या सेवेत वातानुकूलित लोकल सेवा सुरू केली. मध्य रेल्वेच्या ताफ्यात पाच लोकल असून दररोज ६६ फेऱ्या होतात. सीएसएमटी-बदलापूर, अंबरनाथ, कल्याण, टिटवाळा, ठाणे स्थानकांदरम्यान एसी लोकल प्रवाशांच्या सेवेत धावतात. वातानुकूलित लोकलला प्रतिसाद मिळत असून तरी गेल्या वर्षीच्या तुलनेत यंदा प्रवासी संख्येसह महसुलात वाढ झाली आहे.
प्रवासी संख्या व महसुलात वाढ
महिना - प्रवासी - महसूल
जानेवारी - १३,४९,४३० - ५,८१,७६,८८०
फेब्रुवारी - १३,५०,२९९ - ५,९४,९९,४००
मार्च - १५,१८,६६० - ६,७३,०६,५३५
महिना - प्रवासी - महसूल
जानेवारी - १९,५६,७८१ - ८,३७,२४,८३५
फेब्रुवारी - १८,८४,२७० - ८,१७,९४,३२५
मार्च - १३,६६,४२५ - ५,७७,८५,१६५
