राज्यात बीए ४, ५ व्हेरिएंटचा धोका वाढला, पुण्यात ३६ नवीन रुग्णांची नोंद

या नमुन्यांची तपासणी पुणे आणि मुंबई येथील इन्साकॉग अंतर्गत प्रयोगशाळांमध्ये करण्यात आले आहे
राज्यात बीए ४, ५ व्हेरिएंटचा धोका वाढला, पुण्यात ३६ नवीन रुग्णांची नोंद

कोरोनाचा प्रादुर्भाव कमी होत असला तरी कोरोनाचा नवीन व्हेरिएंट बीए ४, बीए ५ व बीए २.७५ व्हेरिएंटचा प्रसार झपाट्याने होत आहे. रविवारी पुण्यात बीए ४ चे १९ तर बीए २.७५ व्हेरिएंटचे १७ रुग्ण आढळल्याने राज्य सरकारच्या आरोग्य विभागाच्या चिंतेत भर पडली आहे. दरम्यान, राज्यात आतापर्यंत आढळलेल्या बीए ४ आणि बीए ५ रुग्णांची संख्या १३२ तर बी ए. २.७५ रुग्णांची संख्या ५७ वर पोहोचली आहे.

बी जे वैद्यकीय, पुणे यांच्या अहवालानुसार राज्यात बी ए. ४ चा १ तर बी ए.५ चे १८ रुग्ण आढळले आहेत. याशिवाय बी ए. २.७५ व्हेरीयंटचे देखील १७ रुग्ण आढळले आहेत. हे सर्व रुग्ण पुणे येथील आहेत. या नमुन्यांची तपासणी पुणे आणि मुंबई येथील इन्साकॉग अंतर्गत प्रयोगशाळांमध्ये करण्यात आले आहे. हे सर्व नमुने २५ जून ते ४ जुलै २०२२ या कालावधीतील आहेत. या रुग्णाचा सखोल साथरोग शास्त्रीय आढावा घेण्यात येत असल्याचे राज्य सरकारच्या आरोग्य विभागातील अधिकाऱ्याने सांगितले.

Related Stories

No stories found.
marathi.freepressjournal.in