जानेवारीत सेवा क्षेत्र तेजीत, पीएमआय सहा महिन्यांतील उच्चांकी पातळीवर

देशातील सेवा क्षेत्राच्या उलाढालीत यंदा जानेवारी महिन्यात तेजी आली आहे. यामुळे सेवा क्षेत्राच्या पीएमआय निर्देशांकाने गेल्या सहा महिन्यांतील उच्चांक गाठला.
जानेवारीत सेवा क्षेत्र तेजीत, पीएमआय सहा महिन्यांतील उच्चांकी पातळीवर

मुंबई : देशातील सेवा क्षेत्राच्या उलाढालीत यंदा जानेवारी महिन्यात तेजी आली आहे. यामुळे सेवा क्षेत्राच्या पीएमआय निर्देशांकाने गेल्या सहा महिन्यांतील उच्चांक गाठला. एचएसबीसी इंडिया सर्व्हिसेस पीएमआय बिझनेस ॲक्टिव्हिटी इंडेक्स डिसेंबरमधील ५९ वरून जानेवारीमध्ये ६१.८ वर पोहोचला आहे.

५ फेब्रुवारी रोजी जाहीर झालेल्या आकडेवारीनुसार, भारताच्या सेवा क्षेत्राचा जानेवारीमध्ये विस्तार राहिला आहे. या क्षेत्रातील एचएसबीसी पर्चेसिंग मॅनेजर्स इंडेक्स (पीएमआय) फेब्रुवारीमध्ये ६१.८ या सहा महिन्यांच्या उच्चांकावर पोहोचला आहे. पीएमआयचा आकडा जेव्हा ५० अंकाच्या पुढे असेल तर संबंधित व्यवसायाच्या उलाढालीमध्ये वाढ झाली असे मानले जाते, याउलट हा आकडा ५० जितका खाली तितक्या प्रमाणात व्यावसायिक उलाढालीमध्ये घसरण झाली असे निर्देशित केले जाते. हे सर्वेक्षण ४०० सेवा क्षेत्रातील कंपन्यांच्या पॅनेलला पाठवलेल्या प्रश्नावलीच्या प्रतिसादांवरून केले गेले आहे.

एचएसबीसीचे अर्थशास्त्रज्ञ इनेस लॅम म्हणाले की, नवीन व्यवसायाचा जानेवारीमध्ये अधिक वेगाने विस्तार झाला आणि भविष्यातील क्रियाकलापांसाठी व्यवस्थापकांच्या अपेक्षा मजबूत राहिल्या. भारताची सेवा निर्यात मजबूत राहिल्याचा संकेत देत नवीन निर्यात व्यापार निर्देशांक वाढला.

नवीन निर्यात विक्री तीन महिन्यांत सर्वात वेगाने वाढली. याचा फायदा अफगाणिस्तान, ऑस्ट्रेलिया, ब्राझील, चीन, युरोप, यूएई आणि अमेरिकेसह जगभरातील ग्राहकांना होण्याची शक्यता आहे. २०२४ कॅलेंडर वर्षापासून कंपन्यांनी त्यांच्या एकूण खर्चात आणखी वाढ केलेली दिसते. त्यात अन्न, श्रम आणि मालवाहतूक हे खर्चाच्या दबावाचे प्रमुख स्रोत म्हणून ओळखले गेले. सर्वेक्षणानुसार, व्यावसायिक आत्मविश्वास मजबूत झाला आहे. मागणीच्या ताकदीव्यतिरिक्त गुंतवणूक आणि उत्पादकता वाढीमुळे कंपन्यांना येत्या वर्षात उत्पादन वाढवण्याची अपेक्षा आहे. रुपये कर्ज देण्याची तरलता आहे.

Related Stories

No stories found.
logo
marathi.freepressjournal.in