मुंबईतील सायन रुग्णालयात एक धक्कादायक प्रकार घडला आहे. सायन रुग्णालयातील टॉयलेटरुमध्ये एका नवजात बालिकेचा मृतदेह आढळला. या घटनेची माहिती रुग्णालयात पसरताच मोठी खळबळ उडाली. जन्म झाल्यानंतर या बालिकेला टॉयलेटमध्ये असलेल्या कचऱ्यांच्या पिशवीत फेकून दिल्याची माहिती समोर आली आहे.
मिळालेल्या माहितीनुसार ८ डिसेंबरच्या सकाळी टॉयलेट साफ करण्यासाठी आलेल्या महिलेला या घटनेबाबत माहिती मिळाली. त्या नेहमी प्रमाणे रुम साफ करण्यासाठी आल्या होत्या. टॉयलेटमधील कचरा पिशवी गोळा करत असताना त्यांना एक पिशवी जड असल्याचं जाणवलं. यानंतर त्यांनी पिशवी उघडून पाहिल्यावर त्यात नवजात बालिकेचा मृतदेह आढळून आला. हे बघताच त्यांनी धक्का बसला. त्यांनी तात्काळ रुग्णलयातील वरिष्ठांना याबाबत माहिती दिली.
डॉक्टरांनी बालिकेला तपासले असताना तीचा मृत्यू झाला असल्याचं कळालं. या घटनेची संपूर्ण माहिती शीव पोलिसांना देण्यात आली. यानंतर पोलिसांनी अज्ञात महिलेविरोधात गुन्हा दाखल केला. पोलिस यासंदर्भात चौकशी करत आहे. यासंदर्भा अद्याप कोणतीही माहिती समोर आलेली नाही.
