दहीहंडीला खेळाचा दर्जा दिल्याची घोषणा मुख्यमंत्री एकनाथ शिंदे यांनी केली आहे. आता गोविंदांनाही राज्य सरकारने नोकऱ्यांमध्ये खेळाडूंना दिलेल्या पाच टक्के आरक्षणाचा लाभ मिळणार आहे. दहीहंडी उत्सवात गोविंदांना विमा संरक्षण देण्याचा निर्णय राज्य सरकारने घेतला आहे. मृत्यू झाल्यास 10 लाख रुपयांची मदत दिली जाईल. गंभीर जखमींना 7.50 लाख रुपयांची मदत दिली जाणार आहे.
दहीहंडी उत्सवादरम्यान मानवी मनोरे बनवताना अपघातात गोविंदा मृत्युमुखी पडतो किंवा जखमी होतो. अशा गोविंदांना आणि त्यांच्या कुटुंबियांना आधार देण्यासाठी मुख्यमंत्री सहायता निधीतून आर्थिक मदतीचे नियोजन करण्यात आले आहे. मृत आणि जखमी गोविंदाच्या मदतीनुसार, दहीहंडीच्या थरावरून पडून गोविंदा संघातील खेळाडूचा मृत्यू झाल्यास कायदेशीर वारसांना 10 लाख रुपयांची आर्थिक मदत दिली जाईल. दहीहंडीच्या थरावरून थेट पडल्यामुळे दोन्ही डोळे किंवा दोन्ही हात, दोन्ही पाय किंवा कोणतेही दोन महत्त्वाचे अवयव निकामी झाल्यास त्यांना ७ लाख ५० हजार रुपयांची आर्थिक मदत दिली जाणार आहे. हाताला किंवा पायाला किंवा कोणत्याही महत्वाच्या अवयव निकामी झाल्यास किंवा गंभीर दुखापत झाल्यास 5 लाख. हा आदेश फक्त या वर्षासाठी (वर्ष २०२२) लागू असेल. दहीहंडी उत्सवात सहभागी होणाऱ्या गोविंदांच्या विम्याबाबत वेगळा निर्णय घेतला जाणार आहे. याबाबत शासनाकडून विम्याचा हप्ता भरण्याच्या योजनेची पडताळणी केली जात असून उद्या दहीहंडी सण असल्याने विमा योजनेबाबत कार्यवाही करण्यास कमी वेळ असल्याने आर्थिक मदत देण्याचा निर्णय घेण्यात आला आहे.
