डॉलरच्या तुलनेत रुपयाची घसरण सुरुच,रुपयाने नवा नीचांकी स्तर गाठला

आंतरराष्ट्रीय बाजारात क्रूड तेलाच्या दरात होत असलेली वाढ या पार्श्वभूमीवर रुपयाची घसरण होत असून डॉलर मजबूत होत आहे
डॉलरच्या तुलनेत रुपयाची घसरण सुरुच,रुपयाने नवा नीचांकी स्तर गाठला

भारतीय चलन बाजारात डॉलरच्या तुलनेत रुपयाची सुरु असलेली घसरण बुधवारीही सुरु राहिली. बुधवारच्या व्यवहारा डॉलरच्या तुलनेत रुपया १८ पैशांनी घसरुन ७९.०३ हा नव्या नीचांकी स्तरावर गेला. भारतीय शेअर बाजारात चौथ्या दिवशी तेजी थांबली. तसेच विदेशी गुंतवणूक संस्थांकडून पैसे काढून घेणे सुरु राहणे आणि आंतरराष्ट्रीय बाजारात क्रूड तेलाच्या दरात होत असलेली वाढ या पार्श्वभूमीवर रुपयाची घसरण होत असून डॉलर मजबूत होत आहे.

इंटरबँक फॉरेन एक्सचेंज बाजारात बुधवारी सकाळी रुपया घसरुन ७८.८६ वर उघडला आणि ११ पैशांच्या घसरणीसह ७८.९६ पर्यंत घसरला. घसरणीचा हा कल कायम राहिला. दिवसअखेरीस डॉलरच्या तुलनेत मागील बंद भाव लक्षात घेता रुपया ७९.०३ वर बंद झाला.

यापूर्वी, डॉलरच्या तुलनेत रुपयाने तब्बल ४६ पैशांनी लोटांगण घातल्याने मंगळवारी ७८.८३ ही नवी नीचांकी पातळी गाठली होती. विदेशी गुंतवणूक संस्थांकडून विक्रीचा मारा सुरु राहिल्याने आणि आंतरराष्ट्रीय बाजारात क्रूड तेलाच्या दरात वाढ झाल्याचा हा परिणाम असल्याचे सांगितले जाते.

Related Stories

No stories found.
marathi.freepressjournal.in