मुंबई : अकाऊंटंट म्हणून काम करणाऱ्या अमन गुप्ता या तरुणाने आपल्या राहत्या घरी गळफास घेऊन आत्महत्या केली. त्याच्याकडे पोलिसांना कुठलेही सुसाइड नोट सापडले नाही, त्यामुळे या आत्महत्येमागील कारण समजू शकले नाही. याप्रकरणी काळाचौकी पोलिसांनी एडीआरची नोेंद करून तपास सुरू केला आहे. अमन गुप्ता हा मूळचा मध्यप्रदेशचा रहिवाशी आहे. सध्या तो त्याचे दोन मित्र मयुर झाडे आणि बिपीनकुमार शर्मा यांच्यासोबत करी रोड येथील सुखकर्ता इमारतीमध्ये राहत होता. आठ महिन्यांपूर्वीच तो नोकरीसाठी मुंबईत आला होता.
