टेम्पो ट्रॅव्हलर अलकनंदा नदीत कोसळून १० ठार, १३ जखमी

उत्तराखंडमधील बद्रिनाथ राष्ट्रीय महामार्गावर शनिवारी एक टेम्पो ट्रॅव्हलर रस्त्यावरून घसरून अलकनंदा नदीत कोसळून झालेल्या दुर्घटनेत १० पर्यटक ठार झाले, तर १३ जण जखमी झाले.
टेम्पो ट्रॅव्हलर अलकनंदा नदीत कोसळून १० ठार, १३ जखमी

रुद्रप्रयाग : उत्तराखंडमधील बद्रिनाथ राष्ट्रीय महामार्गावर शनिवारी एक टेम्पो ट्रॅव्हलर रस्त्यावरून घसरून अलकनंदा नदीत कोसळून झालेल्या दुर्घटनेत १० पर्यटक ठार झाले, तर १३ जण जखमी झाले.

टेम्पो ट्रॅव्हलरमधील सर्वजण पर्यटक होते आणि ते चोपटा येथे जात होते, असे गढवालचे पोलीस महानिरीक्षक के. एस. नागन्याल यांनी सांगितले. वाहनामध्ये एकूण २६ जण होते आणि ते सर्व दिल्लीतील रहिवासी होते. उत्तराखंडचे मुख्यमंत्री पुष्करसिंह धामी यांच्या सूचनेनुसार गंभीर जखमी झालेल्या सात पर्यटकांना हवाईमार्गे एम्समध्ये उपचारासाठी हलविण्यात आले आहे, तर अन्य जखमींवर रुद्रप्रयाग येथील जिल्हा रुग्णालयात उपचार करण्यात येत आहेत.

सकाळी ११ वाजण्याच्या सुमाराला हा अपघात घडला आणि त्यानंतर राज्य आपत्कालीन प्रतिसाद दलाने तातडीने मदतकार्य सुरू केले. वाहन अलकनंदा नदीच्या तीरावर २५० फूट खोल दरीत कोसळले. राष्ट्रपती द्रौपदी मुर्मू आणि पंतप्रधान नरेंद्र मोदी यांनी या दुर्घटनेबद्दल शोक व्यक्त केला आहे. पुष्करसिंह धामी यांनीही शोक व्यक्त केला असून या अपघाताची जिल्हादंडाधिकाऱ्यांमार्फत चौकशी करण्याचे आदेश दिले आहेत.

logo
marathi.freepressjournal.in