अदानी समूहाची लवकरच कॅब सेवा, Uber सह भागीदारीची तयारी

मुंबई : अदानी समूह टॅक्सी सेवा पुरवठादार उबेर टेक्नोलॉजीजसोबत धोरणात्मक भागीदारीवर काम करत आहे. अदानी समूह उबेर टेक्नॉलॉजीजच्या राइड हॅलिंग प्लॅटफॉर्म उबेर ॲपवर आपल्या इलेक्ट्रिक प्रवासी कार सादर करण्यासाठी आणि समूहाच्या सुपर ॲप अदानी वनला मजबूत करण्यासाठी या भागीदारीत प्रवेश करत आहे.

भागीदारीत, उबेरच्या सेवा अदानी वन ॲप अंतर्गत आणण्याची योजना आहे. २०२२ मध्ये अदानी वन लाँच करण्यात आले. अदानी समूहाचे अध्यक्ष गौतम अदानी आणि उबेरचे सीईओ दारा खोसरोशाही यांची २४ फेब्रुवारीला बैठक झाली. या बैठकीत दोन्ही कंपन्यांमधील भागीदारीबाबत चर्चा झाली. गौतम अदानी यांनी दारा खोसरोशाहीसोबतच्या भेटीचे काही फोटो सोशल मीडियावर शेअर केले आहेत. भारतात उबेरच्या विस्ताराची त्यांची दृष्टी खरोखरच प्रेरणादायी आहे. विशेषत: भारतीय ड्रायव्हर्सच्या प्रगतीसाठी त्यांची बांधिलकी. भविष्यात उबेर इंडियामध्ये दारा आणि त्याच्या टीमसोबत भागीदारी करण्यास मी उत्सुक आहे, असे अदानी यांनी म्हटले आहे.