जीवनावश्यक वस्तूंसोबत आरोग्य सेवाही महागली; औषधांच्या किमती वाढल्या

या वर्षात आतापर्यंत रूपयांचे अवमूल्यन सुमारे ७.५ टक्के झाले आहे.
जीवनावश्यक वस्तूंसोबत आरोग्य सेवाही महागली; औषधांच्या किमती वाढल्या

पेट्रोल, डिझेलसह अनेक जीवनावश्यक वस्तू महाग झाल्या असताना आता आरोग्य सेवेचा खर्च वाढला आहे. रूपयाची कमजोरी, चीनमधील लॉकडाऊन आणि सरकारच्या काही धोरणांमुळे आयात वैद्यकीय उपकरणे आणि काही औषधांच्या किमती गेल्या एका वर्षात १२ ते ५५ टक्क्यांनी वाढल्या आहेत.

या वर्षात आतापर्यंत रूपयांचे अवमूल्यन सुमारे ७.५ टक्के झाले आहे. त्यामुळे वैद्यकीय उपकरणांची आयातही जवळपास तितकीच महाग झाली आहे. याव्यतिरिक्त औषधांचा मुख्य कच्चा माल असलेल्या एपीआयची किंमत १२० टक्क्याने वाढली आहे. या सर्वामध्ये सरकारने ५ हजारांपेक्षा जास्त भाड्याने असलेल्या नॉन-आयसीयू रूग्णालयाच्या खोल्यांवर ५ टक्के जीएसटी लागू केला आहे. त्यामुळेच समुदाय सोशल मीडिया प्लॅटफॉर्म लोकल सर्कल्सद्वारे सर्वेक्षण केलेल्या ५२ टक्के लोकांनी सांगितले की, त्यांच्या वैद्यकीय खर्चात झपाट्याने वाढ झाली आहे.

असोसिएशन ऑफ इंडियन मेडिकल डिव्हाइस इंडस्ट्रीनुसार, २०२१-२२मध्ये ६३,२०० कोटी रुपयांची वैद्यकीय उपकरणे आयात करण्यात आली. २०२०-२१मधील ४४,७०८ कोटी रुपयांच्या आयातीपेक्षा हे ४१ टक्के अधिक आहे. रुपयांच्या घसरणीमुळे शस्त्रक्रिया उपकरणे, ऑक्सिजन कॉन्सन्ट्रेटर यांसारख्या उपकरणांची किंमत १० ते १८ टक्के जास्त आहे. रेटिंग एजन्सी केअर एजच्या अहवालानुसार, चीनमध्ये कोविडच्या मर्यादांमुळे एपीआयच्या किमती गेल्या १२ ते १८ महिन्यांत १२ ते २५ टक्क्यांनी वाढत आहेत. जिलेटिन, सेल्युलोज, स्टार्च, सुक्रोज आणि पॉलीथिलीन ग्लायकोल यांसारखे एक्सपिएंट्स २०० टक्के महाग झाले आहेत. औषधी उत्पादनात डोस स्वरूपात वापरले जातात.

Related Stories

No stories found.
marathi.freepressjournal.in