कोलकाता : भारतीय हवाई दलाचे प्रशिक्षणार्थी विमान कलाईकुंडा येथे कोसळले. प्रशिक्षणाच्या वेळी ही घटना घडली. या अपघातात दोन्ही वैमानिक बचावले आहेत, अशी माहिती हवाई दलाच्या अधिकाऱ्यांनी दिली. हे विमान कलाईकुंडा हवाई दल स्टेशनच्या परिसरातील नागरी वसाहतीत सायंकाळी ४ ते ५ वाजण्याच्या दरम्यान कोसळले. या अपघातात कोणतीही जीवित व वित्तहानी झाली नाही. या दुर्घटनेच्या चौकशीचे आदेश दिले आहेत.
