अमृतसर : येथील भारत-पाकिस्तान अटारी सीमेवर होणाऱ्या प्रसिद्ध रिट्रीट सेरेमनीच्या वेळेत बदल करण्यात आला आहे. अटारी-वाघा सीमेवर दररोज होणारा देशभक्तीने भारलेला हा सोहळा पाहण्यासाठी मोठ्या संख्येने लोक येत असतात.अटारी-वाघा सीमेवर होणाऱ्या रिट्रीट सेरेमनीच्या वेळेत बदल करण्यात अाला आहे. नवीन निर्णयानुसार, आता रिट्रीट सेरेमनी संध्याकाळी ५:३० वाजता सुरू होऊन ६:00 वाजेपर्यंत चालेल. यापूर्वी रिट्रीट सेरेमनी ५ वाजता सुरू होऊन ५:३० वाजता संपत होता. हवामान आणि दिवसाच्या कमी-जास्त होणाऱ्या प्रकाशाचा विचार करून प्रशासनाने हा निर्णय घेतला आहे. अधिकाऱ्यांचे म्हणणे आहे की, प्रेक्षकांना चांगला अनुभव देण्यासाठी आणि सुरक्षा व्यवस्था सुरळीत ठेवण्यासाठी वेळेत बदल करणे आवश्यक होते.
देशभक्तीपर घोषणांनी वातावरण जाते दुमदुमून
देशाच्या विविध भागांतून दररोज हजारो लोक हा कार्यक्रम पाहण्यासाठी येथे येत असतात आणि ‘भारत माता की जय’, तसेच ‘वंदे मातरम’ यांसारख्या घोषणांनी वातावरण देशभक्तीने दुमदुमून जाते. या बदलानंतर, लोकांना वेळेवर पोहोचून या अद्भुत दृश्याचा आनंद घेता येईल अशी अपेक्षा आहे. प्रशासनाने लोकांना आवाहन केले आहे की त्यांनी वेळेची विशेष काळजी घ्यावी आणि निर्धारित वेळेपूर्वीच पोहोचून आपली जागा निश्चित करावी, जेणेकरून कोणत्याही प्रकारची गैरसोय होणार नाही.
१ एप्रिलपासून लागू
अटारी-वाघा सीमेवर आता दररोज सायं. ५:३० ते ६ वाजेपर्यंत रिट्रीट सेरेमनी होईल. ही नवीन वेळ बुधवार १ एप्रिलपासून लागू करण्यात आली आहे. म्हणजेच, आता जे पर्यटक किंवा स्थानिक लोक हे सेरेमनी पाहण्याची योजना आखत आहेत, त्यांना नवीन वेळेनुसारच पोहोचावे लागेल. बीटिंग रिट्रीट सेरेमनी ही भारत आणि पाकिस्तानच्या सैनिकांद्वारे केली जाणारी एक विशेष परंपरा आहे, ज्यात उत्साह, शिस्त आणि देशभक्तीची झलक पाहायला मिळते.
