अयोध्या: येथील रावत मंदिराचे मुख्य पुजारी महंत राम मिलन दास यांचे शनिवारी संध्याकाळी अचानक गूढरीत्या निधन झाले. जेवणानंतर अचानक त्यांच्या तोंडातून फेस येऊ लागला. त्यांच्या शिष्यांनी त्यांना तातडीने रुग्णालयात नेले, जिथे त्यांचा मृत्यू झाला. अयोध्येच्या रामघाट परिसरात महंतांची जमीन होती, जी त्यांनी दोन महिन्यांपूर्वी ८ कोटी रुपयांना विकली होती. त्यांच्या खात्यात हे पैसे आले होते. त्यापूर्वी त्यांच्या खात्यात आधीच १.५ कोटी रुपये होते. पोलिसांनी सांगितले की, महंतांच्या मृत्यूचे कारण अद्याप अस्पष्ट आहे. जमीन विकल्यानंतर मिळालेले पैसे या मृत्यूमागील कारण होते का हे शोधण्याचा प्रयत्न केला जात आहे.
महंतांची सेवा करणारी दासी शकुंतला (४०) हिला पोलिसांनी ताब्यात घेतले असून शकुंतला १३ वर्षांपासून महंतांची सेवा करत होती. तिच्या आईने यापूर्वी आश्रमात सेवा केली होती. महंत राम मिलन दास (४८) हे १५ वर्षांपासून रावत मंदिराचे महंत होते.
