नवी दिल्ली : ‘बाटा’ ही नाममुद्रा भारतीयांच्या मनामनात वसली आहे. बाटाची चप्पल किंवा बूट नागरिक डोळे झाकून घेतात. याच बाटाने आता आंतरराष्ट्रीय खातीच्या आदिदास या नाममुद्रेसोबत प्रीमियम श्रेणीचे बूट बनविण्यासाठी चर्चा सुरू केली आहे.
बाजारात ही बातमी पसरताच बाटाच्या समभागात वाढ होऊन तो ५.३० टक्क्याने वाढून १७३३.७५ रुपयांवर बंद झाला.
भारतीय बूट बाजारात बाटाचे नाव असले तरीही क्रीडाशी संबंधित बुटांची चाचणी कंपनीने सुरू केली. आदिदासची या क्षेत्रातील कामगिरी पाहता बाटाने आदिदासशी चर्चा सुरू केली.
बाटा इंडियाचे व्यवस्थापकीय संचालक व सीईओ गुंजन शहा म्हणाले की, कॅज्युएल व प्रीमियम या क्षेत्रात रिटेल नेटवर्कचा विस्तार करण्याची कंपनीची योजना आहे. भविष्यात नफ्यासहित वाढीसाठी आराखडा तयार केला आहे. ग्राहकांना नवनवीन अनुभव देण्यात कंपनी कायमच अग्रेसर राहिली आहे. आम्ही टियर ३ व ५ शहरात विस्तार करू इच्छितो, असे त्यांनी सांगितले.
