भाजप कोत्या मनाचा, नेहरूंचे नाव वगळल्याने काँग्रेसची टीका

भाजप सरकारने नेहरू मेमोरियल म्युझियम अँड लायब्ररीचे नाव बदलून प्राइम मिनिस्टर म्युझियम अॅँड लायब्ररी केल्यामुळे संतप्त झालेल्या काँग्रेस पक्षाने भाजपवर टीका करताना यातून भाजपचे कोते मन दिसून येते, असे म्हटले आहे.

काँग्रेसने पुढे म्हटले आहे की, ही लायब्ररी म्हणजे विचारवंत आणि संशोधकांसाठी खजिना आहे. देशाचे संविधान आणि लोकशाही मजबूत करण्यासाठी येथे अध्ययन करण्याची गरज आहे. देशाचे पहिले पंतप्रधान पंडित जवाहरलाल नेहरू यांनी स्वतंत्र भारत समृद्ध करण्यासाठी अत्यंत महत्त्वाची भूमिका निभावली. जेव्हा भारतात एक सुर्इ देखील निर्माण केली जात नव्हती तेव्हा नेहरूंनी या देशाची सूत्रे हाती घेतली. भाजप आणि पंतप्रधान मोदी यांना आयआयटी, आयआयएम, इस्रो आणि डीआरडीओ यासारख्या संस्थांबाबत काळजी वाटत आहे. आपल्या मित्रांना फायदा करून देण्यासाठी या संस्था ते विकत आहेत, अशा शब्दांत काँग्रेसने टीका केली. माजी पंतप्रधानांच्या नावाने निर्माण झालेल्या सरकारी योजना, पुरस्कार, इमारती यांची नावे बदलणे हे मोदी यांच्या छोट्या मनाचे लक्षण आहे, पण मोदींनी हे लक्षात घ्यायला हवे की त्यांच्याच नेत्याने म्हटले आहे की छोट्या मनापेक्षा कोणीही मोठा नसतो.