नवी दिल्ली : बिहारमधील राजकीय उलथापालथींच्या शक्यतांच्या पार्श्वभूमीवर भाजप पुन्हा नितिशकुमार यांच्याबरोबर एकत्र येण्याची अपेक्षा आहे. त्यामुळे चिराग पासवान आणि जेडी(यू) अध्यक्षांचे कट्टर टीकाकार उपेंद्र कुशवाह यांसारख्या भाजपाच्या छोट्या मित्रपक्षांनाही सांभाळण्यासाठी भाजपाला तोंड द्यावे लागत आहे. गृहमंत्री अमित शहा आणि भाजपचे अध्यक्ष जेपी नड्डा यांच्यासोबत झालेल्या बैठकीत लोक जनशक्ती पक्षाचे (रामविलास) नेते चिराग पासवान यांनी चिंता व्यक्त करून त्यांच्या पक्षाला लोकसभेतील जागांबाबत तडजोड करावी लागणार नाही, असे आश्वासन मागितल्याचे समजते.
