मुख्यमंत्री शिंदेंनी घेतले अयोध्येत श्रीरामाचे दर्शन; म्हणाले, बाळासाहेबांचे स्वप्न पूर्ण होत असल्याचा आनंद

आज मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आज श्रीरामाचे दर्शन घेऊन हनुमान गढीचे घेतले दर्शन
मुख्यमंत्री शिंदेंनी घेतले अयोध्येत श्रीरामाचे दर्शन; म्हणाले, बाळासाहेबांचे स्वप्न पूर्ण होत असल्याचा आनंद
@mieknathshinde

काल मुख्यमंत्री एकनाथ शिंदे यांच्यासह ४० आमदारांचे शनिवारी अयोध्येत ढोलताश्यांच्या गजरात जंगी स्वागत करण्यात आले. महाराष्ट्रातील सत्तांतरानंतर पहिल्यांदाच शिवसेना शिंदे गटाचे आमदार आणि खासदार अयोध्येमध्ये गेले आहेत.

अशामध्ये आज मुख्यमंत्री शिंदे यांच्यासोबत उपमुख्यमंत्री देवेंद्र फडणवीस यांनी अयोध्येत श्रीरामाचे दर्शन घेतले. तसेच, त्यानंतर दोघांनीही हनुमान गढीचेही दर्शन घेतले. यावेळी मुख्यमंत्री शिंदे यांनी, 'हिंदुहृदयसम्राट बाळासाहेब ठाकरेंचे स्वपन पूर्ण होत असल्याचा आनंद आहे,' अशा भावना व्यक्त केल्या.

मुख्यमंत्री एकनाथ शिंदे म्हणाले की, "श्री राम प्रभूचे दर्शन घेतल्याचा मोठा आनंद आहे. इथून ही ऊर्जा, प्रेरणा घेऊन आम्ही महाराष्ट्रात जाऊ आणि महाराष्ट्र कसा सुजलाम सुफलाम होईल? यासाठी प्रयत्न करु. बळीराजावरचे संकट दूर व्हावे आणि राज्यातील जनतेच्या आयुष्यात सुखाचे, समाधानाचे, आनंदाचे दिवस यावेत हीच मागणी श्रीरामाच्या चरणी केली आहे." अशा भावना त्यांनी यावेळी व्यक्त केल्या.

Related Stories

No stories found.
logo
marathi.freepressjournal.in