![कर्नाटकात काँग्रेस २० जागा जिंकेल; मुख्यमंत्री सिद्धरामय्या यांचा दावा](http://media.assettype.com/freepressjournal-marathi%2F2024-02%2F7189e536-b917-4d9d-b9d4-b3a5411d9d26%2FScreenshot_2024_02_19_081814.png?w=480&auto=format%2Ccompress&fit=max)
मंड्या (कर्नाटक) : आगामी लोकसभा निवडणुकीत कर्नाटक राज्यातील २८ पैकी किमान २० जागा काँग्रेस जिंकेल, असा विश्वास मुख्यमंत्री सिद्धरामय्या यांनी रविवारी व्यक्त केला.
सर्व २८ जागा जिंकण्याचा भाजपचा दावाही त्यांनी खोडून काढला. ते म्हणाले की, आम्ही यावेळी किमान २० जागा जिंकण्याची तयारी करत आहोत. भाजप सर्व २८ जागा जिंकेल असा अतिशयोक्तीपूर्ण दावा करत आहे. कारण यावेळी लोक काँग्रेसला आशीर्वाद देतील. मंड्या जिल्ह्यातील मालवल्ली येथे ते पत्रकारांशी बोलत होते. भाजप आणि जनता दल (सेक्युलर) यांच्या युतीविरोधात लढण्याच्या काँग्रेसच्या रणनीतीबाबत सिद्धरामय्या म्हणाले की, विरोधी पक्षात कोणतेही दोन पक्ष नाहीत. यावेळी आमचा एकच विरोधक आहे. दोन पक्ष नाहीत तर विरोधी पक्षात फक्त एकच पक्ष आहे. संयुक्त जनता दल भाजपमध्ये विलीन झाला आहे आणि तो वेगळ्या पक्षाप्रमाणे काम करत नाही, असेही ते म्हणाले.