![सेमीकंडक्टर प्रकल्पाचे बांधकाम अवघ्या ९० दिवसांत सुरू](http://media.assettype.com/freepressjournal-marathi%2F2024-01%2F3ef8a4b9-5d0b-4278-b2a9-ce0c2251de36%2F55.png?w=480&auto=format%2Ccompress&fit=max)
गांधीनगर : व्हायब्रंट गुजरात ग्लोबल समिट २०२४’ ला दुसऱ्या दिवशी केंद्रीय रेल्वे आणि आयटी मंत्री अश्विनी वैष्णव यांनी संबोधित केले.
केंद्रीय मंत्री अश्विनी वैष्णव आणि मुख्यमंत्री भूपेंद्र पटेल यांनी गांधीनगरमध्ये सेमीकंडक्टर आणि इलेक्ट्रॉनिक्स या विषयावर आयोजित चर्चासत्रामध्ये भाग घेतला. यावेळी वैष्णव म्हणाले की, आमच्याकडे अशा संस्था आहेत ज्या पंतप्रधानांचे व्हिजन साकारत आहेत. पंतप्रधान मोदींनी अमेरिकेत जूनमध्ये मायक्रोनसोबत सामंजस्य करारावर स्वाक्षरी केली आणि ९० दिवसांच्या आत कारखान्याचे बांधकाम सप्टेंबरमध्ये सुरू झाले. सेमीकंडक्टर क्षेत्रातील हे मोठे योगदान असल्याचे त्यांनी सांगितले.
वैष्णव यांनी सांगितले की, सेमीकंडक्टर उद्योगाला पुढील दशकात आणखी एक दशलक्ष मजबूत प्रतिभांची आवश्यकता आहे. ते भारतात उपलब्ध होती. त्यासाठी अभ्यासक्रम आणि प्रशिक्षण प्रणाली विकसित करण्यासाठी आम्ही १०४ विद्यापीठांशी करार केला आहे. गुंतवणूकदार जेव्हा पुढील गुंतवणुकीचा निर्णय घेतील, तेव्हा त्यांची नैसर्गिक निवड भारत आणि गुजरात असावी. केंद्रीय मंत्री अश्विनी वैष्णव म्हणतात, जगातील प्रत्येक जण उत्पादन प्रक्रियेत हरित ऊर्जेची मागणी करत आहे. गुजरातमध्ये ३० हजार मेगावॅटचे हरित ऊर्जा हब आहे. जगातील सर्वात मोठा ग्रीन पॉवर क्लस्टर ५०००-७००० मेगावॉट आहे. जागतिक स्तरावर, आता गुजरातचा ग्रीन पॉवर क्लस्टर संपूर्ण जगात सर्वात मोठा होईल. ग्रीन पॉवर असलेल्या उत्पादनांची निर्मिती करण्याची ही एक उत्तम संधी आहे.