![मणिपूरमध्ये बंडखोरांच्या गोळीबारात ‘सीआरपीएफ’चा जवान शहीद](http://media.assettype.com/freepressjournal-marathi%2F2024-07%2F64f5484c-a43f-4d99-a87f-b3e1db3987df%2FAssam-Rifles-in-a-large-scale-joint-combing-operat_1720982735048.avif?w=480&auto=format%2Ccompress&fit=max)
इम्फाळ : मणिपूरच्या जिरीबम जिल्ह्यातील मोंगबंग गावात रविवारी सकाळी संशयित बंडखोरांनी केलेल्या गोळीबारात केंद्रीय राखीव पोलीस दलाचा (सीआरपीएफ) एक जवान शहीद झाला.
हल्ल्यात शहीद झालेल्या जवानाचे नाव अजयकुमार झा (४३) असे असून, तो बिहारचा आहे. या हल्ल्यात एक जवान जखमी झाला. त्याला रुग्णालयात दाखल करण्यात आले असून त्याची प्रकृती स्थिर आहे. मणिपूरचे मुख्यमंत्री एन. बिरेन सिंह यांनी या हल्ल्याचा निषेध केला आहे. संशयित कुकी बंडखोरांच्या सशस्त्र गटाने हा हल्ला केला आहे. या हल्ल्यानंतर मोंगबंग येथे अतिरिक्त कुमक पाठविण्यात आली आहे. बंडखोरांच्या हल्ल्यात सुरक्षारक्षकांच्या वाहनाचे नुकसान झाले आहे.