नवी दिल्ली : थंडी सुरू झाल्यामुळे पेट्रोल आणि डिझेल विक्रीत कमी झाली आहे, असे सरकारी मालकीच्या तेल कंपन्यांकडील प्राथमिक आकडेवारीनुसार सोमवारी स्पष्ट झाले. इंधन बाजारात ९० टक्के विक्री करणाऱ्या सरकारी मालकीच्या तीन कंपन्यांच्या पेट्रोल विक्रीत डिसेंबरमध्ये १.४ टक्के घट होऊन २.७२ दशलक्ष टन तर डिझेलच्या मागणीतही ७.८ टक्के घट होऊन ६.७३ दशलक्ष टन झाली.
नोव्हेंबरमध्ये पेट्रोलची विक्री ४.९ टक्क्यांनी घसरून २.८६ दशलक्ष टन झाली होती. तर नोव्हेंबरमध्ये ६.७९ दशलक्ष टनांच्या तुलनेत डिझेलची मागणीही मासिक आधारावर ०.८ टक्क्यांनी घसरली.
डिझेल हे भारतातील सर्वात जास्त वापरलेले इंधन आहे, जे पेट्रोलियम उत्पादनांच्या सर्व वापरापैकी जवळजवळ ४० टक्के आहे. देशातील सर्व डिझेल विक्रीपैकी ७० टक्के वाटा परिवहन क्षेत्राचा आहे. गेल्या दोन महिन्यांपासून इंधनाचा वापर कमी जास्त होत आहे. ऑक्टोबरमध्ये पेट्रोल आणि डिझेल या दोहोंची मागणी वाढली होती, परंतु पुढील महिन्यात डिझेलचा वापर ७.५ टक्क्यांनी घसरला.
डिसेंबर २०२३ मध्ये पेट्रोलचा वापर डिसेंबर २०२१ च्या तुलनेत ७.१ टक्के आणि कोविड काळातील डिसेंबर २०१९च्या तुलनेत २.७ टक्के वाढ झाली. तर डिसेंबर २०१९ च्या तुलनेत डिसेंबर २०२१ च्या तुलनेत डिझेलचा वापर ४.३ टक्क्यांनी आणि डिसेंबर २०१९ च्या तुलनेत २.७ टक्क्यांनी वाढला आहे.
विमान इंधन विक्रीत ८.८ टक्के वाढ
डिसेंबरमध्ये जेट इंधन (एटीएफ) ची विक्री वर्षाकाठी ८.८ टक्क्यांनी वाढून ६,४४,९०० टन झाली आहे. परंतु हे प्रमाण डिसेंबर २०१९ च्या तुलनेत ६.५ टक्के कमी होते. कारण मुख्यत: साथीच्या रोगानंतर सर्व आंतरराष्ट्रीय उड्डाणे पुन्हा सुरू झाली नाहीत. डिसेंबर २०२१ च्या तुलनेत एटीएफचा वापर २५.५ टक्के वाढला असून पूर्व-कोविड पूवर्प काळात डिसेंबर २०१९ मधील ६,२८,४०० टनांपेक्षा कमी आहे. नोव्हेंबर २०२३ मध्ये मासिक आधारावर जेट इंधन विक्री २.६ टक्क्यांनी वधारून ६,२८,४०० टन होते. डिसेंबरमध्ये एलपीजी गॅस सिलिंडरची विक्री वार्षिक आधारावर २.७३ दशलक्ष टन होते. डिसेंबर २०२१ च्या तुलनेत एलपीजीचा वापर ८.१ टक्के जास्त आणि नोव्हेंबर २०१९ च्या तुलनेत १६.४ टक्के जास्त झाले, तर एलपीजीची मागणी नोव्हेंबरमध्ये २.५७ दशलक्ष टन एलपीजीच्या वापराच्या तुलनेत ६.२ टक्क्यांनी वाढली आहे, असे आकडेवारीवरून दिसून आले आहे.
