दिल्ली निवडणुकीत भाजपला स्पष्ट बहुमत मिळाले असून ७० विधानसभा जागांपैकी ४७ जागांवर भाजपला विजय मिळाला आहे. निवडणूक आयोगाने रात्री साडेआठ वाजेपर्यंत दिलेल्या अपडेटनुसार भाजपने ४७ जागांवर विजय मिळाला असून 'आप'ने २२ जागा जिंकल्या आहेत. तर एका जागेचा निकाल अजून घोषित होणे बाकी आहे.
सकाळी १०.३० च्या सुमारास भारतीय निवडणूक आयोगाने आपल्या अधिकृत संकेतस्थळावर दिल्लीतील सर्व ७० जागांचे सुरूवातीचे कल अपडेट केले असून भाजपने ४३ जागांवर आघाडी घेत बहुमताचा आकडा ओलांडला आहे. तर आप पक्षाला मतदारांनी झटका दिल्याचं दिसत असून अवघ्या २७ जागांवर त्यांचे उमेदवार पुढे आहेत. दुसरीकडे काँग्रेस पक्षाला यंदाही भोपळा फोडणं कठीण असल्याचं चित्र आहे. त्यांचा एकही उमेदवार आघाडीवर नाहीये.
दिल्ली निवडणुकीत ईव्हीएमची मतमोजणी सुरू असून भारतीय निवडणूक आयोगाने आपल्या अधिकृत संकेस्थळावर ७० पैकी ५२ जागांचे सुरुवातीचे कल अपडेट केले आहेत. सकाळी ९.४४ वाजताच्या अपडेटनुसार ५२ पैकी भाजप ३६ जागांवर आघाडीवर आहे. म्हणजेच बहुमताचा जादुई आकडा भाजपने गाठला आहे. तर, आप १६ जागांवर आघाडीवर आहे.
एका सर्वेक्षणानुसार, दिल्लीतील जवळपास एक तृतीयांश मतदार लोकसभा निवडणुकीत भाजपला आणि विधानसभा निवडणुकीत आपला मतदान करतात. हा पॅटर्न ८ फेब्रुवारीला होणाऱ्या मतमोजणीत टिकतो की बदलतो, यावर दिल्लीचा पुढील मुख्यमंत्री कोण होईल, हे अवलंबून आहे.
