वाराणसीच्या ज्ञानवापी मशिदीच्या सर्वेक्षणाला स्थगिती देण्याची मागणी

वाराणसीच्या ज्ञानवापी मशिदीच्या सर्वेक्षणाला स्थगिती देण्याची मागणी

वाराणसीच्या ज्ञानवापी मशिदीच्या सर्वेक्षणाचे गाजच असलेले प्रकरण आता सर्वोच्च न्यायालयात पोहोचले आहे. सर्वेक्षणावर बंदी घालण्याची मागणी करणारी याचिका सर्वोच्च न्यायालयात दाखल करण्यात आली आहे. भारताचे सरन्यायाधीश एन. व्ही. रमणा यांनी या प्रकरणाची चौकशी करून निर्णय घेऊ, असे म्हटले आहे.

अंजुमन-ए-इनाजतिया मशीद वाराणसीच्या व्यवस्थापन समितीने वाराणसी न्यायालयाने आदेश दिलेल्या काशी विश्वनाथ मंदिर-ज्ञानवापी मशीद संकुलाच्या सर्वेक्षणाला स्थगिती देण्यासाठी सुप्रीम कोर्टात धाव घेतली आहे. त्यावर तत्काळ सुनावणी झाली पाहिजे, असे ज्येष्ठ वकील हुजेफा अहमदी यांनी सांगितले. कारण ज्ञानवापीचे सर्वेक्षण-व्हिडिओग्राफी करण्याचे आदेश दिले आहेत. त्यावर सरन्यायाधीशांनी याचिकेची कागदपत्रे मागवली असून आम्ही कागदपत्रे पाहिल्यानंतर या प्रकरणाची चौकशी करू, असे स्पष्ट केले.

सरन्यायाधीशांसमोर वकील हुजेफा यांनी सांगितले की, वाराणसी न्यायालयाच्या निकालावर शुक्रवारी कारवाई सुरू होईल. त्यामुळे या प्रकरणाची तातडीने सुनावणी घेण्यात यावी. किमान या प्रकरणावर ‘जैसे थे’ आदेश तरी जारी करावा. त्यावर सरन्यायाधीश रमणा म्हणाले की, आम्ही अजून पेपर पाहिला नाही. कागद पाहिल्याशिवाय कोणताही आदेश काढता येणार नाही. त्यामुळे पुढील आठवड्यापासून सर्वोच्च न्यायालयात या प्रकरणाची सुनावणी होण्याची शक्यता आहे.

Related Stories

No stories found.
marathi.freepressjournal.in