Air India Case : डीजीसीएचा एअर इंडियाला पुन्हा दणका! आधी ३० लाखांचा दंड आणि आता...

एअर इंडियाच्या (Air India Case) विमानात प्रवासी महिलेच्या अंगावर लघुशंका केल्याच्या प्रकरणामध्ये डीजीसीएने एअर इंडियाला डबल दणका दिला
Air India Case : डीजीसीएचा एअर इंडियाला पुन्हा दणका! आधी ३० लाखांचा दंड आणि आता...

काही दिवसांपासून चर्चेत असलेल्या एअर इंडियाच्या प्रकरणात (Air India Case) आता आणखी एका बातमी समोर आली आहे. एका पुरुषाने वृद्ध महिलेवर लघुशंका केल्याची घटना ६ डिसेंबर २०२२ रोजी घडली होती. मात्र, हे प्रकरण खूप उशिराने प्रकाशझोतात आले. याप्रकरणी आता डीजीसीएने दुसऱ्यांदा एअर इंडियाला दणका दिला आहे. डीजीसीएने (DGCA) सांगितले की, या घटनेची माहिती मिळाली तेव्हा आम्हाला सांगण्यात आले नाही. या घटनेची तक्रार न केल्याबद्दल एअर इंडियाला १० लाखांचा दंड ठोठावला आहे.

दरम्यान, यापूर्वीही डीजीसीए नियमांचे उल्लंघन केल्याप्रकरणी एअर इंडियाला ३० लाखांचा दंड ठोठावण्यात आला होता. एअर इंडियाचे पॅरिस ते दिल्ली या विमानात हा प्रकार घडला होता. एअर इंडिया विमानामध्ये एका वृद्ध महिलेच्या अंगावर लघुशंका केल्याप्रकरणी आरोपी शंकर मिश्राला पोलिसांनी अटक केली होती. एअर इंडियाच्या विमानातून प्रवास करण्यासाठी त्याला ४ महिन्यांची बंदीही घातली आहे. 'सदरचा प्रकार अत्यंत किळसवाणा आहे, असे प्रकार विमानात घडत असतील तर ते एअर इंडियाचे अपयश आहे,' असे डीसीजीएनने म्हटले होते.

Related Stories

No stories found.
logo
marathi.freepressjournal.in