ईडीचे १२ कंपन्यांवर छापे; ५.८५ कोटी जप्त

चिनी लोकांनी भारतात कंपन्या स्थापन केल्या आणि अनेक भारतीयांना नोकरी दिली
ईडीचे १२ कंपन्यांवर छापे; ५.८५ कोटी जप्त

अंमलबजावणी संचालनालयाने सोमवारी सांगितले की त्यांनी १२ कंपन्यांवर छापे टाकून सुमारे ५.८५ कोटी रुपये जप्त केले आहेत. ईडीच्या म्हणण्यानुसार, त्याने ही कारवाई अर्धवेळ नोकरी फसवणूक प्रकरणात केली आहे, ज्यामध्ये चीनशी संबंधित काही लोक आणि अॅप्सचा समावेश आहे. तपास यंत्रणेने बंगळुरूमध्ये असलेल्या या १२ कंपन्यांवर छापे टाकले आहेत. ईडीने म्हटले आहे की पीएमएलए कायदा, २००२ च्या कलम १७अंतर्गत आतापर्यंत ५.८५ कोटी रुपये जप्त केले आहेत.

ईडीने जारी केलेल्या अधिकृत निवेदनात असे म्हटले आहे की, चीनमधील काही लोकांनी मोबाईल अॅप ‘कीपशेअर’द्वारे अर्धवेळ काम देण्याच्या नावाखाली भोळ्या लोकांकडून -ज्यामध्ये बहुतेक तरुण आहे, त्यांच्याकडून पैसे उकळले . ईडीच्या म्हणण्यानुसार, या चिनी लोकांनी भारतात कंपन्या स्थापन केल्या आणि अनेक भारतीयांना नोकरी दिली. यामध्ये संचालक, अनुवादक (मंदारीनमधून इंग्रजी आणि इतर भाषांमध्ये भाषांतर करण्यासाठी) एचआर व्यवस्थापक आणि टेलिकॉलर यांचा समावेश होता.

बँक खाते उघडण्यासाठी भारतीय कर्मचाऱ्यांची कागदपत्रे वापरली जातात

चिनी लोकांनी भारतीय कामगारांची कागदपत्रे आपल्याकडे ठेवली आणि त्यांचा वापर करून बँक खाती उघडली. आरोपी चिनी लोकांनी ‘कीपशेअर’ नावाचे अॅप तयार केले आणि व्हॉट्सअॅप आणि टेलिग्रामचा वापर करून प्रचार सुरू केला. आपल्या मोहिमेत ते तरुणांना अर्धवेळ नोकरी देण्याची ऑफर देत होते. हे अॅप गुंतवणूक अॅपशी जोडलेले आहे. या अॅपवर नोंदणी करण्याच्या नावाखाली त्यांनी तरुणांकडून पैसे उकळले. पुढे त्यांनी अॅपमध्ये गुंतवणुकीच्या नावाखाली सर्वसामान्यांकडून पैसे उकळले.

व्हिडिओ अपलोडसाठी

२० रुपये देण्याचे आश्वासन

या तरुणांना अॅपवरून सेलिब्रिटींचे व्हिडिओ लिंक करून ते सोशल मीडियावर अपलोड करण्याचे काम देण्यात आले होते. काम पूर्ण झाल्यावर ते तरुणांना २० रुपये प्रति व्हिडिओ दर देत असत. ही रक्कम ‘कीपशेअर’ अॅपच्या वॉलेटमध्ये जमा करण्यात आली होती. काही काळ त्याच्या वॉलेटमध्ये पैसे जमा होत राहिले पण काही काळानंतर ते अॅप प्ले स्टोअरमधून काढून टाकण्यात आले. ईडीच्या म्हणण्यानुसार, त्यांनी गुंतवलेली रक्कम परत केली नाही किंवा लोकांना मोबदलाही दिला नाही. ही रक्कम कोट्यवधी रुपयांची असल्याचे सांगितले जात आहे. आरोपींनी घोटाळ्यातून जमा केलेले पैसे बेंगळुरूस्थित काही कंपन्यांच्या बँक खात्यांमधून बाहेर काढले आणि नंतर ते क्रिप्टोकरन्सीमध्ये रूपांतरित झाले. त्यानंतर ही रक्कम चीनमधील क्रिप्टो एक्सचेंजमध्ये हस्तांतरित करण्यात आली.

Related Stories

No stories found.
marathi.freepressjournal.in